Akukho nto ilikrexe
Athi amadoda ehamba enkomponi
Kukhale izitixo krixi
Athi obephangele afike lingaphambili
Athi ebeyokukrexeza afike selikhona
Aloneli linetliziyo ende
Alithandwa ngamanye amadoda linezothe
Litya amanye amadoda izithende
Yinto ongasoze uyazi nokuba ichanwe phi
Kuba bonke abafazi bamadoda asenkomponi ngabayo
Bekumele sithini kuba inja nenja ifela ebunjeni bayo.
Kambe ke irhuqwa ngumniniyo
Sitsho siphumle elalini, atyebe amadoda
Kuba kaloku umshologu umnkile
Ombelwe owona umngxuma mkhulu,
onzulu khona ukuza asokole nangovuko lwabafileyo
No comments:
Post a Comment